ព្រះខ័នរាជស្វាយរៀងនឹង​លេងពានអន្តរជាតិ​២នៅចុងឆ្នាំ​នេះ

បន្ទាប់ពីបញ្ចប់ភារៈកិច្ចនៅក្នុងជម្រើសជើងឯកខេមបូឌានព្រីមៀរលីគឆ្នាំ២០២៣/២៤ នេះទៅក្លិបបាល់ទាត់ព្រះខ័នរាជស្វាយរៀងហ្វូតបលក្លិប​ ឯ.ក នឹងត្រូវតំណាងឱ្យកម្ពុជាចូលរួមការប្រកួតពានរង្វាន់ចំនួន២នៅ​ចុងឆ្នាំ​នេះ។

ពាន​រង្វាន់​ដែលពួកគេ​ចូល​រួមមាន​ដូចជា បាន​រង្វាន់ក្លិបអាជីពលំដាប់អាស៊ាន AFF ASEAN Club Championship (ACC) Shopee Cup 2024/25 ។ ពិធីចាប់ឆ្នោតផ្លូវការ​ជ្រើសរើសគូប្រកួតគឺនៅ​ ថ្ងៃព្រហស្បតិ៍ ទី០៩​ ខែឧសភា ឆ្នាំ២០២៤ វេលាម៉ោង​ ១១ព្រឹក ទីក្រុង ហូជីមីញ ប្រទេសវៀតណាម។

ពាន​រង្វាន់មួយទៀតគឺ 2024–25 AFC Challenge League ដែលក្លិប​មាន​មូលដ្ឋានក្នុងខេត្តស្វាយរៀង​មួយនេះ​នឹង​ត្រូវ​លេង​ក្នុង​វគ្គជម្រុះ playoff។ 2024-25 AFC Challenge League (ACGL) នឹង​ជា​ពាន​រង្វាន់ក្លិបអាជីពលើក​ដំបូង​នៃចង្កោមពាន AFC Challenge League ដែល​រៀបចំ​ដោយ​សហព័ន្ធ​បាល់ទាត់​អាស៊ី (AFC)។

វានឹងមានក្រុមចំនួន 20ចូលរួម​ប្រកួតប្រជែង ហើយវា​នឹង​ក្លាយ​ជា​ការ​ប្រកួត​ប្រជែង​ក្លិប​លំដាប់​ទី​បី​ដែល​ត្រូវ​បាន​រៀបចំ​ឡើង​ដោយ AFC ចាប់​តាំង​ពី AFC President's Cup ដែល​ត្រូវ​បាន​បញ្ឈប់​បន្ទាប់​ពី​ការ​បោះ​ឆ្នោត​ឆ្នាំ 2014។

ក្លិបព្រះខ័នរាជស្វាយរៀងចូល​រួម​ក្នុងពាន​រង្វាន់ទាំង២​នេះ ដោយ​សារ​តែពួកគេគឺជាម្ចាស់​ជើងឯកលីគកំពូលកម្ពុជារដូវ​កាល​២០២៣/២៤​ ខណៈ Shopee Cup 2024/25 ត្រូវ​លេង​ក្នុងវគ្គជម្រុះ playoff ដូចគ្នា៕