ខ្សែប្រយុទ្ធ សុក សំណាងរបស់ស្វាយរៀងចូលនិវត្តន៍ពីបាល់ទាត់ហើយ

ខ្សែប្រយុទ្ធ សុក សំណាង របស់​ក្លិបព្រះខ័នរាជស្វាយរៀង បានសម្រេចចិត្ត ចូលនិវត្តន៍ពីអាជីពជាកីឡាករបាល់ទាត់ហើយ​ នេះបើ​តាម​ការ​ប្រកាស​របស់​ក្លិប​ក្នុងទំព័រហ្វេសបុករបស់​ខ្លួន កាលពីប៉ុន្មាន​នាទីមុននេះ។

សុក សំណាងលេងឱ្យព្រះខ័នរាជស្វាយរៀងកន្លងមក

សុក សំណាង ជាសមាជិកដ៏សំខាន់របស់ក្លិបមានមូលដ្ឋាន​ក្នុងខេត្តស្វាយរៀងតាំងពីឆ្នាំ ២០១០មក ហើយគាត់បានចូលរួម​ចំណែកយ៉ាងធំធេងដល់​ភាពជោគជ័យរបស់ក្លិប ដោយ​បានឈ្នះពានរង្វាន់លីគកំពូលកម្ពុជា ៣លើក និង ពានរង្វាន់សម្តេចអគ្គមហាសេនាបតីតេជោ ហ៊ុនសែន ចំនួន៥លើក។

សុក សំណាងក្នុងឈុត U22 កម្ពុជា ជាមួយ U22 ថៃ

ក្នុងជម្រើសជាតិកម្ពុជាវិញ សំណាង​ធ្លាប់​លេងក្នុងក្រុមជម្រើសជាតិវ័យក្រោម២២ឆ្នាំ ២៣ឆ្នាំ និង​ក្រុមឈុតធំបាន ៤ ប្រកួតផងដែរ៕