.png)
ព័ត៌មាននេះបានរីករាលដាលនៅលើបណ្តាញសង្គមនាពេលថ្មីៗនេះអំពីការរកឃើញសាកសពស្ត្រីម្នាក់ដែលស្អុយរលួយនៅក្នុងសង្កាត់ Tabuan Jaya រដ្ឋ Sarawak ត្រូវគេជឿថាត្រូវបានគេសម្លាប់។
ការប្រទះឃើញជនរងគ្រោះឈានដល់ការចាប់ខ្លួនជនសង្ស័យ ភេទប្រុស អាយុ២៣ឆ្នាំ។ ថ្មីៗនេះសារព័ត៌មាន Harian Metro បានរាយការណ៍ថា ហេតុផលនៃការសម្លាប់នេះពាក់ព័ន្ធនឹងតម្រូវការលុយ។
ជនសង្ស័យសំខាន់បានសារភាពថា ខ្លួនត្រូវបានបង្ខំឱ្យធ្វើដូច្នេះ ដើម្បីចំណាយលើការមើលការប្រកួតរបស់ ជម្រើសជាតិកម្ពុជាម៉ាឡេស៊ី ក្នុងព្រឹត្តិការណ៍ Mitsubishi Electric Asean Cup ឆ្នាំ 2024 នៅរាជធានីភ្នំពេញ កាលពីថ្ងៃទី 8 ខែធ្នូ។
ស្នងការប៉ូលិសខេត្ត Sarawak លោក Datuk Mancha Ata បានពន្យល់ថា ការស៊ើបអង្កេតស៊ីជម្រៅនាំទៅដល់ការសារភាពរបស់ជនសង្ស័យ។ គ្រឿងអលង្ការរបស់ជនរងគ្រោះ រួមមាន កងដៃមាស និងក្រវិល ត្រូវបានជនសង្ស័យយកទៅបញ្ចាំ ដើម្បីយកលុយ។
មុននេះ សមាជិកគ្រួសារបានរាយការណ៍ថា ជនរងគ្រោះឈ្មោះ Nurul Asikin Lan មិនបានត្រលប់មកផ្ទះវិញទេ បន្ទាប់ពីចេញទៅក្រៅជាមួយបុរសម្នាក់។
ក្រុមគ្រួសារបានប្ដឹងប៉ូលីស ហើយព័ត៌មាននៃការបាត់ខ្លួនរបស់នាងក៏បានរីករាលដាលនៅលើបណ្តាញសង្គម រួមជាមួយនឹងរូបភាពរបស់បុរសដែលបានចេញទៅក្រៅជាមួយនាងផងដែរ។
ក្រោយមកសាកសពជនរងគ្រោះត្រូវបានរកឃើញបន្ទាប់ពីបាត់ខ្លួន១០ថ្ងៃក្នុងសភាពស្អូយរលួយ។ ក្នុងអំឡុងពេលនោះ ជនសង្ស័យនៅតែអាចទាក់ទងបាន ប៉ុន្តែមិនដែលលើកទូរស័ព្ទទេ។
ជនសង្ស័យក៏ត្រូវបានគេនិយាយថាបានជិះយន្តហោះមកកម្ពុជា ដើម្បីមើលការប្រកួតបាល់ទាត់របស់ម៉ាឡេស៊ីជាមួយអ្នកគាំទ្រម៉ាឡេស៊ីដទៃទៀតផងដែរ។
Comments