ខ្សែការពាររបស់​ Man Utd ២រូបទទួលបាន​ចំណាប់អារម្មណ៍ពីក្លិបយក្សរបស់តួរគីចំនួន២

Victor Lindelof និង Aaron Wan-Bissaka ត្រូវបានផ្សារភ្ជាប់ជាមួយនឹងការផ្លាស់ទៅប្រទេសទួរគីជាមួយនឹង Fenerbahce និង Galatasaray រៀងៗខ្លួន ។

ខ្សែការពាររបស់​ Man Utd ២រូបទទួលបាន​ចំណាប់អារម្មណ៍ពីក្លិបយក្សរបស់តួរគីចំនួន២

បើតាម Fabrizio Romano ខ្សែការពារសញ្ជាតិស៊ុយអែតមិនពិចារណាផ្ទេរទៅប្រទេសទួរគីក្នុងពេលឆាប់ៗនេះទេ។ គាត់ចង់វាយតម្លៃជម្រើសរបស់គាត់នៅ Man Utd ទោះបីជាលោក Jose Mourinho ចង់​បាន​គាត់ក៏ដោយ។

គិត​មក​ដល់ពេល​នេះ មិនមានអ្វីជិតស្និទ្ធរវាង Lindelof និង Fenerbahce នោះទេ។ គាត់កំពុងរង់ចាំមើលជម្រើសសក្តានុពលផ្សេងទៀត មុនពេលទទួលយកការចាកចេញនៅរដូវក្តៅពី Old Trafford ។

Aaron Wan-Bissaka ត្រូវបានផ្សារភ្ជាប់ជាមួយនឹងការផ្លាស់ទៅ Galatasaray

ចំណែក Aaron Wan-Bissaka ក៏កំពុងវាយតម្លៃជម្រើសផ្ទេរទាំងអស់របស់គាត់ផងដែរ។ គាត់​កំពុង​សម្លឹង​មើល​ទៅ​លើ​លទ្ធភាព​នៃ​ការ​ផ្លាស់​ទៅ​ប្រទេស​អ៊ីតាលី បើ​ទោះ​បី​ជា​មាន​ទំនាក់ទំនង​ជាមួយ Galatasaray ក៏ដោយ។

ខ្សែការពាររបស់ Man United ទាំងពីរនាក់កំពុងរង់ចាំមើលថាតើទីផ្សារដោះដូរកីឡាករមានការរីកចម្រើនយ៉ាងណា។ ពួកគេចង់មើលថាតើមានសំណើណាមួយដ៏គួរឱ្យទាក់ទាញណាមួយនឹងចូលមកមុន នឹងសម្រេចចិត្តទៅទីណា ប្រសិនបើពួកគេចាកចេញពីបិសាចក្រហម។

Victor Lindelof ត្រូវបានផ្សារភ្ជាប់ជាមួយនឹងការផ្លាស់ទៅ Fenerbahce

ទាំង Lindelof និង Wan-Bissaka មិនមែនជាកីឡាករស្ថិតក្នុងជម្រើសដំបូងនៅ Man United ទៀតទេ។ កីឡាករអង់គ្លេសបានបង្ហាញខ្លួន 30 ប្រកួតកាលពីរដូវកាលមុន ភាគច្រើនដោយសាររបួសរបស់ Luke Shaw ។ ខ្សែ​ការពារ​កណ្តាល​ស៊ុយអែត​ត្រូវ​បាន​ដាក់​កម្រិត​ត្រឹម​ការ​បង្ហាញ​ខ្លួន​ចំនួន ២៨ លើក។