Kylian Mbappe បង្ហាញមូលហេតុមិននិយាយពី Real Madrid សូម្បីតែមួយម៉ាត់

គេ​ដឹង​ច្បាស់​ណាស់​ថា​ Kylian Mbappe នឹង​ផ្ទេរទៅ​ Real Madrid នៅ​រដូវ​កាល​ក្រោយ ប៉ុន្តែកីឡាករ​បារាំងរូប​នេះ​តែងតែ​មិន​និយាយអំពី​ក្លិប​ដែល​រូប​គេ​ផ្ទេរនៅ​រដូវ​កាល​ក្រោយ​ នៅ​ពេល​អ្នក​កាសែតជជីកសួរ ពេល​ធ្វើ​បទសម្ភាសន៍ម្ដងៗ។

Kylian Mbappe គ្រោង​ផ្ទេរទៅ Real Madrid រដូវ​កាល​ក្រោយ

គាត់​បាន​និយាយថា៖«ពីព្រោះខ្ញុំគិតថាអ្វីដែលសំខាន់បំផុតគឺការបញ្ចប់រដូវកាលឱ្យបានល្អជាមួយនឹងក្លិបបច្ចុប្បន្នរបស់ខ្ញុំ PSG និងជាមួយនឹងពានរង្វាន់។ មានពេលច្រើនសម្រាប់គ្រប់យ៉ាង ហើយខ្ញុំនឹងប្រកាសក្លិប បន្ទាប់របស់ខ្ញុំក្នុងពេលកំណត់។ ហើយវានៅសល់តែប៉ុន្មានថ្ងៃទៀតប៉ុណ្ណោះ»។

Mbappe បន្ថែមថា៖«នៅមានព័ត៌មានលម្អិតសំខាន់ៗមួយចំនួនដែលនៅសល់ក្នុងកិច្ចព្រមព្រៀង ប៉ុន្តែអ្វីដែលសំខាន់បំផុតគឺត្រូវបញ្ចប់ឱ្យបានល្អនៅទីនេះ»។

Mbappe បានដឹកនាំ PSG ឈ្នះពាន French Cup បន្ថែមពាន Ligue 1 របស់បារាំង ដែលពួកគេបានឈ្នះយូររួចហើយ។

Mbappe ស៊ុតបញ្ចូលទីបាន 44 គ្រាប់ និងបញ្ជូនបាល់ឱ្យមិត្តរួមក្រុមបាន 10 ដងក្នុង 48 ប្រកួត

តារាឆ្នើមសញ្ជាតិបារាំងរូបនេះស៊ុតបញ្ចូលទីបាន 44 គ្រាប់ និងបញ្ជូនបាល់ឱ្យមិត្តរួមក្រុមបាន 10 ដងក្នុង 48 ប្រកួតរបស់គាត់សម្រាប់ PSG នៅរដូវកាលនេះ។

របាយការណ៍ជាច្រើននិយាយថាកិច្ចព្រមព្រៀងជាមួយ Real Madrid រួចរាល់ហើយ ហើយការប្រកាសរបស់ Mbappe ត្រូវបានគេរំពឹងទុកបន្ទាប់ពីការប្រកួតវគ្គផ្តាច់ព្រ័ត្រ Champions League ។