ឥណ្ឌូនេស៊ីតែងតាំងអតីតតារាបាល់ទាត់ហូឡង់ Patrick Kluivert ជាគ្រូបង្វឹកជម្រើសជាតិថ្មី

អតីតខ្សែប្រយុទ្ធសញ្ជាតិហូឡង់ Patrick Kluivert បានចុះកិច្ចសន្យារយៈពេលពីរឆ្នាំ ដើម្បីធ្វើជាគ្រូបង្វឹករបស់ប្រទេសឥណ្ឌូនេស៊ី ជាមួយនឹងជម្រើសក្នុងការបន្តរយៈពេលពីរឆ្នាំទៀត។

ការបង្ហាញខ្លួនជាផ្លូវការរបស់ Kluivert នឹងប្រព្រឹត្តទៅនៅថ្ងៃទី 12 ខែមករា ក្នុងទីក្រុងហ្សាកាតា។ សមាគមបាល់ទាត់នៃប្រទេសឥណ្ឌូនេស៊ី (PSSI) បានប្រគល់ភារកិច្ចឱ្យគ្រូបង្វឹកវ័យ 48 ឆ្នាំរូបនេះ ទទួលជោគជ័យបានទៅលេងនៅ World Cup ជាប្រវត្តិសាស្ត្រ។

ឥណ្ឌូនេស៊ីតែងតាំងអតីតតារាបាល់ទាត់ហូឡង់ Patrick Kluivert ជាគ្រូបង្វឹកជម្រើសជាតិថ្មី

ការប្រកាសនេះធ្វើឡើង បន្ទាប់ពីការសម្រេចចិត្តរបស់ប្រទេសឥណ្ឌូណេស៊ីក្នុងការចែកផ្លូវជាមួយគ្រូបង្វឹក Shin Tae-yong ដែលបានបម្រើការងារជិតប្រាំឆ្នាំកាលពីថ្ងៃចន្ទម្សិលមិញ។ ទោះបីជាការបន្តកិច្ចសន្យារបស់គាត់ក្នុងខែមេសា ឆ្នាំ 2024 ដែលមានសុពលភាពដល់ឆ្នាំ 2027 ក៏ដោយ ប្រធាន PSSI លោក Erick Thohir បាននិយាយថាការសម្រេចចិត្តនេះគឺយល់ព្រមពីគ្នាទៅវិញទៅមក និងមិនទាក់ទងនឹងការធ្លាក់វគ្គចែកពូលដ៏ខកចិត្តរបស់ប្រទេសឥណ្ឌូនេស៊ីនៅព្រឹត្តិការណ៍ ASEAN Cup ឆ្នាំ 2024 នោះទេ។

ការតែងតាំងលោក Kluivert បានបង្ហាញពីការប្តេជ្ញាចិត្តរបស់ប្រទេសឥណ្ឌូនេស៊ីចំពោះយុទ្ធសាស្ត្រ "ហូឡង់" ដែលរួមបញ្ចូលទាំងការចូលសញ្ជាតិកីឡាករហូឡង់-ឥណ្ឌូនេស៊ី ដើម្បីពង្រឹងក្រុម។

គោលនយោបាយនេះបានទទួលជោគជ័យដំបូង ដោយប្រទេសឥណ្ឌូនេស៊ីបានឈានដល់វគ្គជម្រុះជុំទី 3 នៃការប្រកួតបាល់ទាត់ពិភពលោកឆ្នាំ 2026 នៅអាស៊ីជាលើកដំបូង។ បច្ចុប្បន្នក្រុមនេះស្ថិតនៅចំណាត់ថ្នាក់លេខ៣ក្នុងពូល C ដោយត្រូវប្រជែងជាមួយក្រុមខ្លាំងដូចជា ជប៉ុន អូស្ត្រាលី និងអារ៉ាប៊ីសាអូឌីត។

ប្រព័ន្ធផ្សព្វផ្សាយអឺរ៉ុបបានរាយការណ៍ថា PSSI បានពិចារណាទាំងលោក Patrick Kluivert និង Louis van Gaal សម្រាប់តំណែងនេះ។ ខណៈពេលដែល Kluivert ខ្វះបទពិសោធន៍គ្រប់គ្រងយ៉ាងទូលំទូលាយបើប្រៀបធៀបទៅនឹង Van Gaal ប៉ុន្តែរឹសគល់ចេញពីសញ្ជាតិសួរីណាម និងទំនាក់ទំនងវប្បធម៌របស់គាត់ជាមួយឥណ្ឌូនេស៊ីបានធ្វើឱ្យគាត់ក្លាយជាជម្រើសដ៏គួរឱ្យទាក់ទាញ។

Suriname ដែលជាប្រទេសមួយនៅអាមេរិកខាងត្បូង គឺជាអតីតអាណានិគមរបស់ប្រទេសហូឡង់។ ជនជាតិ Surinamese ជាច្រើនមានដើមកំណើតជាជនជាតិជ្វា និងឥណ្ឌូនេស៊ី ដោយសារការធ្វើចំណាកស្រុកនៅសតវត្សទី 19 និង 20 ។ ការតភ្ជាប់នេះធ្វើឱ្យ Kluivert ក្លាយជាតួរអង្គជាទីស្រឡាញ់នៅក្នុងប្រទេសឥណ្ឌូនេស៊ី មិនត្រឹមតែសមិទ្ធិផលបាល់ទាត់របស់គាត់ប៉ុណ្ណោះទេ ថែមទាំងសម្រាប់មរតករួមរបស់គាត់ផងដែរ។

Kluivert ត្រូវបានគេចាត់ទុកយ៉ាងទូលំទូលាយថាជាខ្សែប្រយុទ្ធល្អបំផុតរបស់អឺរ៉ុបក្នុងទសវត្សរ៍ឆ្នាំ 1990 និងដើមឆ្នាំ 2000។ ដោយស្គាល់ពីការបញ្ចប់ទីដ៏ច្បាស់ ចលនាបម្លាស់ទីឆ្លាតវៃ និងជំនាញបច្ចេកទេស គាត់បានឈ្នះ Champions League ជាមួយ Ajax ក្នុងឆ្នាំ 1995 និង La Liga ជាមួយ Barcelona ក្នុងឆ្នាំ 1999 ។ គាត់ក៏បានលេងឱ្យក្លិបល្បីៗដូចជា AC Milan, Newcastle United, LOSC Lille, Valencia និង PSV ផងដែរ។

នៅលើឆាកអន្តរជាតិ Kluivert លេងបាន 79 ប្រកួតឱ្យហូឡង់ដោយស៊ុតបញ្ចូលទីបាន 40 គ្រាប់។ Kluivert ធ្លាប់ជួយហូឡង់បានឈានដល់វគ្គពាក់កណ្តាលផ្តាច់ព្រ័ត្រនៃការប្រកួត World Cup ឆ្នាំ 1998 និង Euro 2000 ជាកន្លែងដែលគាត់ត្រូវបានគេដាក់ឈ្មោះថាជាអ្នកស៊ុតបញ្ចូលទីច្រើនជាងគេក្នុងព្រឹត្តិការណ៍នោះ ។

ចាប់តាំងពីចូលនិវត្តន៍មក Kluivert បានកាន់តួនាទីជាច្រើនរួមទាំងជំនួយការគ្រូបង្វឹកសម្រាប់ប្រទេសហូឡង់ពីឆ្នាំ 2012 ដល់ឆ្នាំ 2014 នាយកបាល់ទាត់នៅ PSG ពីឆ្នាំ 2016 ដល់ឆ្នាំ 2017 និងជាទីប្រឹក្សាសាលាបាល់ទាត់។