Alphonso Davies ស្នើសុំប្រាក់ឈ្នួលប្រចាំពី Bayern Munich ២០លានអឺរ៉ូបូកនឹងប្រាក់រង្វាន់

សារព័ត៌មាន Sky Sport បានរាយការណ៍ថាក្លិប Bayern Munich នៅតែស្ថិតក្នុងការចរចាជាមួយខ្សែការពារស្លាបឆ្វេង Alphonso Davies ជុំវិញការបន្តកិច្ចសន្យាថ្មី ។

នៅថ្ងៃពុធ ទី 15 ខែមករា ភ្នាក់ងាររបស់ Davies បានធ្វើកិច្ចចរចាមួយផ្សេងទៀតជាមួយនាយកកីឡារបស់ក្លិបលោក Max Eberl ។ អ្នកតំណាងរបស់ Davies បានបង្កើនការទាមទារប្រាក់ឈ្នួលខែលើសពី 20 លានអឺរ៉ូក្នុងមួយឆ្នាំមុនពេលបង់ពន្ធ រួមជាមួយនឹងប្រាក់រង្វាន់ចុះហត្ថលេខាយ៉ាងច្រើន។

គេរាយការណ៍ថា Bayern បានផ្តល់កិច្ចសន្យាដល់កីឡាករសញ្ជាតិកាណាដារហូតដល់ឆ្នាំ 2029 ជាមួយនឹងប្រាក់បៀវត្សរ៍ 14-15 លានអឺរ៉ូក្នុងមួយឆ្នាំ បូករួមទាំងប្រាក់រង្វាន់ ក្រោយមកបានកែលម្អសំណើរបស់ពួកគេ។

Bayern អាចនឹងបដិសេធក្នុងការបន្តកុងត្រា ប្រសិនបើការទាមទារនៅតែមានកម្រិតនោះ។ ទន្ទឹមនឹងនេះដែរ Real Madrid ត្រូវបានគេរាយការណ៍ថា បានកែលម្អសំណើរបស់ពួកគេដល់កីឡាករដែលនឹងផុតកិច្ចសន្យារនៅចុងបញ្ចប់នៃរដូវកាលនេះ។